政壇：葉劉做大茄蝦碌
有人話，人生如舞台，新民黨主席葉劉淑儀就係一個人辦，最近，佢由政壇進軍電影界，喺一部電影內客串做區議員，現實中做過政府高官、立法會議員、政黨主席嘅佢，今次降呢做區議員，竟然都搞到NG兩三次，唔係喺戲中議政鬧蝦碌，或者唔熟悉地區工作，而係佢成日將自己嘅真名代入戲中角色嘅名。葉太話，試過一次做戲就夠喇，冇興趣涉足演藝界喎！睇嚟，葉太都係對政界更有興趣。
設計圖片及對白
幾句對白拍幾次
日前，佢哋將部電影舉行放映會，並為第五十七屆國際數學奧林匹克籌委會籌款，政壇唔少人士都現身支持，立法會主席曾鈺成也熱講做戲，但一句「我哋日日都做戲啦！」引嚟唔少關注，究竟係話從政嘅人成日都要做戲、定係立法會議員成日都角色扮演呢？曾鈺成一聽，即刻補鑊話，佢嘅意思係人生如戲啫，仲叫大家唔使咁敏感。
點都好，謙稱自己係「大茄」（即大茄喱啡）嘅葉太話，佢喺電影入面飾演叫「葉劉淑芝」嘅區議員，得幾句對白，應該輕鬆冇難度，不過，正式埋位嗰陣，佢就口快快叫番自己個真名，所以先NG咗幾次。
呢一日，力撐放映會嘅仲有一班新民黨成員，該黨區議員陳家珮（Judy）、黃卓健、蘇嘉雯等黨友都拉隊捧葉太場，跑開馬拉松嘅Judy原來對拍戲都好有興趣，佢透露中學時代試過幕前演出，如果有導演賞識邀約一定會積極考慮咁話。Judy自言性格開朗，韓劇式嘅苦情戲唔啱佢，會自薦飾演搞笑、開心嘅角色。
