SUN搞作：SUN官場現形記：另類選擇
無牌賓館氾濫，既佔用民宅，加劇基層無屋住嘅問題，亦危害旅客安全，民政事務總署監管不力，署長華華責無旁貸。
李衞︰遍地都係無牌賓館，你哋執法不力！
華華︰你都識講周街都係無牌賓館，自然查極都查唔完。
李衞︰隨時發生意外，人命關天，一句查唔完就想了事？
華華︰意外係意料之外，邊有得防範？都係飲啖茶再慢慢查。
李衞︰……除咗安全問題，無牌賓館佔用民宅，基層無屋住！
華華︰點會呀？啱啱咪講過有好多地方可以住。
李衞︰邊度有呢？
華華︰無牌賓館囉，當佢係貴價劏房，何嘗唔係另類選擇？
李衞︰@##*^%$
