SUN揭秘：前途未卜「每日都唔安樂」

政府違諾 永久安置變租用

劉稱，當年佛堂遷址後，政府指新址較舊址為大，因此要求封鎖三分之二面積，佛堂不得使用，「呢個係咩道理？成間警署係一體，你唔畀我用、唔畀我整，由得佢丟空、損壞，如果呢度變咗危樓，係咪乘機趕我走？」劉帶記者巡視封鎖部分，有不少地方已見裂痕、石屎剝落。「佢哋仲話，建築物外露天嘅地方，甚至大門都唔屬於我哋，講過要拆大閘。」他語帶無奈，「其實佛堂已經好幾次畀人偷嘢，無埋大閘，咁我哋嘅財物同人身安全點算？」

劉說當年遷至現址，最初政府首肯永久安置，後來卻變成逐年租用。他盼藉今次風波，集群眾力量，保存原址外，更要當局承諾往後不再騷擾，好讓佛堂能安心發展。