政壇：呂紹勇為淘寶設自提點
好多人都有用淘寶，貪唔使出街都享受到購物嘅樂趣。但係成日要等集運送到屋企都幾麻煩，一來要約好時間等送貨；二來又要提供住址或者送去公司都唔方便。但香港淘寶網業務主管呂紹勇話，下個星期就可以自選取貨地點，咁就有多個淘寶理由喇，YEAH!
呂紹勇
全港共超過二百個
呂紹勇話，與包括香港郵政在內五個夥伴合作，設立超過二百個「自提點」，連離島都有自選取貨點。除咗香港郵政之外，「自提點」亦包括香港7-Eleven、順豐速運、中通快遞同埋遞四方速遞。下星期一開始，淘完寶可選擇喺「自提點」攞貨。呂紹勇仲話公司同嗰五個夥伴嘅合作，中間唔涉及收入分成，個新服務主要為提升香港消費者嘅網購體驗喎。
佢又話過去香港市場有穩定增長，未來會繼續搵合作對象，包括考慮埋7-Eleven嘅對手OK便利店。佢又強調，淘寶將會繼續打擊假貨。
