再成開刀對象中產寧做基層
【本報訊】「薪俸老年金稅」作為全民退保的財政開支之一，意味一眾中產人士再成開刀對象。有中產人士坦言不支持，因認為有關方案變相要中產者供養沒有工作的人士，而且會為下一代帶來沉重的負擔，直言︰「樣樣都針對（中產），咁不如做番低收入人士好過啦！咁社會點會有進步呢？」
「下一代最慘」
何先生與妻子育有一對五歲大的孖仔，二人分別從商及任職銀行業，家庭月入約維持在近十萬元水平，堪稱典型中產家庭。何太說，不支持周永新提出的「薪俸老年金稅」方案，因開源方法是加稅，即是向中產「開刀」，又指自身有不少負擔，例如供樓、子女教育開支及供養父母等，剩餘的收入根本不多，每月再要他們額外支付數千元稅收，是十分吃力。「咁多年政府對中產有咩支持？仲要我哋養埋無做嘢嘅人，真係好唔公平。」何太又擔心，兩名兒子將是老年金的「受害人」，因勞動人口未來會不斷下降，即打工仔要供養的人愈來愈多，「我哋呢代唔慘，係下一代最慘囉。」
何先生則認為，推行老年金制度會減低工作意欲，因「搵得愈多要供得愈多」，又認為並非人人需要老年金，反問︰「你問吓李嘉誠使唔使攞？」建議港府應檢討現行福利金政策，將資源集中在有需要的基層人士身上。
