你實在不得不佩服日本人的創意，英國《泰晤士報》報道，日本一個大有錢佬，在泰國聘請代母為其二十四歲兒子生仔，目標是生夠一千個，目的是為了在未來日本選舉種票，「希望透過建立大家庭，以便在選舉中勝出」。事件因代孕公司起疑才揭發；大概他是《聖鬥士星矢》的死忠讀者，想參考當中角色全球首富城戶光政，生夠一百個私生子來保護女神雅典娜。在日本從政，如果是市議員，跟香港的小圈子選擇一樣，票數不需要太多就可當選，那一千鐵票十拿九穩。

薑蓉搞一場大龍鳳，號稱二十幾萬人上街，反正都是亂吹，索性有咁大吹咁大，按各家傳媒報道，派錢人均二百起跳，當其中一半真心支持「愛和平」，或如嫩模Coco一樣上街但被中間人「食夾棍」，二百蚊乘十萬，都要二千萬，還未計搭車茶煙飯、擺宣傳攤檔、Part-Time「義工」、印製道具T恤等數字，白花幾千萬卻只有現在這個效果。

但中共不能跟日本仔用同一計謀，你看連阿叔阿嬸都識收到錢就走人，他日老竇叫到又如何？六親不認才是中國人的本色。

素顏天使

香港知名博客 (plainfaceangel.blogspot.com)，點擊率超過一千萬。正宗港女，土生土長，覺得港聞版好睇過電視劇。

（周一至周五見刊）

第一手消息請下載on.cc東網iPhone/iPad/Android/Windows Phone Apps