港府一五/一六學年將資助一千名學生入讀自資指定學士課程，多間院校即公布該類學科狂加學費！其中，公開大學兩個護理學士課程勁加八成，大學生頂唔順，即刻去搵教育局局長吳得掂投訴。

大學生︰我被人打劫，點算好？

吳得掂︰搵我有咩用？又唔係我打劫你，你要就搵警察喇！

大學生︰你哋對相關自資院校學費「不設限」，仲唔係「幫兇」？

吳得掂︰小小苦楚等於激勵，學費愈貴你會愈畀心機讀書。

大學生︰最怕係貴到書都無得讀。

吳得掂︰其實，人生處處是學習機會，學生哥咪當學吓嘢。

大學生︰吓？咁都有嘢學？

吳得掂︰當然有，學畀人打劫嗰陣要點應對囉！

大學生︰咁都得？！

第一手消息請下載on.cc東網iPhone/iPad/Android/Windows Phone Apps