甄文達用咗十八秒，就斬好一隻雞。（受訪者提供）
香港工業總會轄下的香港優質標誌局（簡稱Q嘜）日前舉行親子廚神決賽，名廚甄文達（Martin）除咗做評審，仲喺賽事中騷吓真功夫，結果大廚刀工震驚好多人。
Martin煮嘢食大家就見得多，刀法又點呢？三個字，快、狠、準！佢示範時，只係用純熟刀法，十八秒就斬好一隻全雞，同樣力撐活動嘅工總榮譽主席孫啟烈、工總榮譽主席鍾志平、Q嘜主席丁煒章及成員吳宏斌、美女廚神Zoe Tsang都表示嘆為觀止。
同Martin相識三十八年的孫啟烈，大讚老友訓練有素，連拍薑都好吸引眼球。孫又透露，原來佢前一晚先至邀請Martin出席今次活動，Martin二話不說即改機票撐場，認真唔話得。
第一手消息請下載on.cc東網
