政壇：證券行為上客各出奇謀

時富金融最近推出咗一個免費自助餐優惠，只要成功喺時富開戶，兼交易嘅累積佣金達五百蚊，就可以獲贈自助餐禮券一張。時富金融投資服務部行政總裁鄭蓓麗話，佢哋會定期推出唔同優惠，香港人人都鍾意食自助餐，所以希望吸多啲香港客。佢仲預告，下次優惠會更加驚喜，因為見到內地人好鍾意黃金，所以打算送金幣。其實，冇人唔鍾意黃金喎，呢一招對香港新客一樣咁有吸引力啫！

行內吸客咁重手，第一上海證券都有雙重禮活動，佢哋直接向顧客回饋佣金，只要用指定手機app買賣港股，就有佣金八折。睇嚟，證券界嘅上客新招陸續有嚟。