元朗塘頭埔村近日傳出日本腦炎感染個案,區內蚊患及衞生情況頓成焦點,但有村民指村內衞生問題其實早有徵兆。村民張先生指出,有村屋疑因污水喉管破裂,令其住所附近的行人路長期積水,不但令地面濕滑,更孳生蒼蠅及幼蟲,「呢個位長期都有污水流出嚟,有雀仔直頭會捕住喺度捉蟲仔嚟食,你話幾誇張!」

塘頭埔村疑有村屋污水渠滲漏,長期積水孳生蚊蟲。

食環署發言人表示曾派員巡查,期間並未發現有污水喉滲漏或地面積聚污水情況,環境衞生尚可。雖然如此,當局已提醒鄰近住戶檢查住所內的污水管,如有破損需採取相應措施。發言人強調,當局防治蟲鼠組員工已於附近的公眾地方噴灑殺蟲劑,並會繼續留意情況。

「依家咁多病菌,唔搞好衞生真係好危險。」張先生不滿食環署巡查未有發現問題。

第一手消息請下載on.cc東網iPhone/iPad/Android/Windows Phone Apps