將軍澳堆填區最快明年首季停收家居廢物，每日近二千噸垃圾需由西九龍及沙田廢物轉運站接收，但港府疑高估轉運站處理量，恐令大批垃圾車等候入站播臭，環境局局長星星被人質問。

市民︰垃圾車逼爆轉運站，垃圾圍城，你叫我哋點住？

星星︰閂窗開冷氣咪得囉。

市民︰冬天呢？凍都要開冷氣？

星星︰淨係閂窗咪得，阻臭味兼保暖！

市民︰市容呢？轉運站頂唔順，垃圾堆到落條街點算？

星星︰一腳踢開佢咪睇唔到囉。

市民︰咁你呢舊大垃圾就受我一腳啦！

星星︰救命呀……

第一手消息請下載on.cc東網iPhone/iPad/Android/Windows Phone Apps