城中鏡：顏志永勉青少北上擴視野
近年嚟內地經濟急速發展，與其聽人哋轉述，不如真正到現場去感受。為咗擴闊新一代視野，百仁基金副主席Roger顏志永日前率領一批傑出中學生，考察位於韶關佢做董事嘅玩具廠，趁機勉勵年輕人把握面向大中華優勢，開拓國際視野。
學生聽顏志永（左）講解玩具製作工序。（受訪者提供）
顏志永（左一）帶領一眾學生參觀韶關嘅玩具廠。
港商喺內地發展有機遇也有挑戰，Roger年紀輕輕就接掌家族生意，由佢分享港商嘅機遇同挑戰，真係夠晒資格。期間佢詳細講解為中國生產「玉兔號」登月車同「嫦娥三號」模型車製作工序，同學們聽得津津有味，不時主動發問問題。
Roger其後提醒年輕人要提升競爭力，又話百仁基金不時安排唔同行業嘅專業培訓，等香港學生多啲北上交流，了解內地企業最新發展趨勢，勝過讀萬卷書喎。
