SUN搞作:SUN官場現形記:貴在雞身 痛在民心
由於中港兩地仍未就H7N9的控疫問題達共識,致本港恢復內地活雞供應無期,有本地雞販料中秋節期間活雞零售價升至六、七十元一斤,到時市民就要捱貴雞,李衞去搵食衞局局長文文傾吓呢個問題。
李衞︰唉,市民今年中秋要捱貴雞!
文文︰我都唔想o架……
李衞︰咁幾時先有內地雞供應呀?
文文︰交涉緊啦,畀啲時間……
李衞︰即係要焗住食貴雞啦,聽講最平都要200蚊隻喎!
文文︰大家將就吓,唔介意嘅。
李衞︰你做官咁高人工,啲雞幾多錢隻都冇所謂啦,但市民就要左度右度……
文文︰唔係嘅,冇活雞食咪買冰鮮雞食囉,都係攞個意頭啫!
李衞︰%&*^#@$!!!!!意頭?我打你個頭就有!