SUN搞作：網絡小說：乜都袋住先？
「乖乖，咁多個孫仔，你就最乖。」阿爺邊摸小順頭邊稱讚，「其他孫仔，日日都喺我房門口嘈嘈閉，又話要自由、又話要獨立，畀票佢哋都唔要，自斷米路，與人無尤！」
依偎在阿爺懷內的小順，其實也想一嘗自主的滋味，於是大膽開口，「阿爺，既然我咁乖，可唔可以畀票我，等我試吓自主？」阿爺一聽，驚呆一下，「你真係要自主？無咗我庇蔭，你隨時無飯開，連水都無得飲。」小順雖然生性懦弱，遇事皆沉默不語，但渴望「自主」已久，現在票放於眼前，伸手可及，不拿白不拿，「阿爺，我唔理咁多，袋住先點都無壞！」阿爺面露微笑，掏出票來，小順滿心歡喜接過，便飛奔出外兌現。
「先生，唔好意思，呢張期票到期日係『無了期』，我諗你要等足一生一世……」
