廉政公署係敏感之地，尋日早上十點四十五分，我哋發現近年新聞多多、藝人徐淑敏嘅商人丈夫黃浩（Kenny）現身上址，當時佢坐白色七人車到達北角廉政公署總部。七人車駛入廉署上落客區後，就見到戴住副黑超、身穿黑色貼身T恤及深色牛仔褲嘅Kenny，同一名身穿西裝嘅男士一齊落車，步入廉署接待處登記。

黃浩（右）尋日與一名西裝男現身北角廉署總部。

期間見Kenny不斷咁四圍望，但當發現記者時，佢就同隨行男士一齊急步走向廉署嘅落貨區，然後再急步行返入廉署大樓，然後上樓。大約二十五分鐘後，我哋就喺廉署落貨區見到之前載住Kenny同隨行男士嘅七人車，拉晒車上所有窗簾駛離現場，之後又有一架載住另一名穿着西裝男士嘅同款白色七人車尾隨護航。唔知Kenny到廉署搞咩呢？昨日本報聯絡佢，但到截稿都無回應。

第一手消息請下載on.cc東網iPhone/iPad/Android/Windows Phone Apps