SUN搞作:SUN官場現形記:出於污泥有污染
有人關注港珠澳大橋工地附近不時有運送填料的躉船發生滲漏沙石情況,令人憂慮三跑道填海範圍更大時,水質污染更嚴重,李衞忍唔住就去質問機管局建築工程環保事務總經理騰騰。
李衞:躉船漏沙石會影響水質,咁大件事都唔做評估?
騰騰:影響好小規模啫……
李衞:小影響就可以唔講出嚟咩?係咪污染咗先出聲?
騰騰:我哋會做足防禦措施,整雙層防泥網等等,阻隔到85%沙石o架!
李衞:咁剩番嘅15%點算?
騰騰:呢15%畀水沖淡咗,就唔叫污染啦!
李衞:沖淡?沖污糟就有呀!
騰騰:個海咁大,點沖都冇事啦,放心啦!唔呃人嘅!
李衞:*^%*%@^!!!