環境局局長「星星」黃錦星推動源頭減廢處處碰壁，唔單止「三堆一爐」有阻滯，就連垃圾徵費都要靠「奶爸」、可持續發展委員會主席陳智思幫佢推銷。陳智思日前仲公開咁話垃圾徵費唔能夠單靠環境局就搞掂，係要多個部門配合，仲要由高層官員統籌先得，雖然係曲線寸星星唔掂，但總算開口幫佢求救，但政府高層同相關部門肯唔肯聽佢支笛，就好難講嘞！
