好多人都鍾意飲紅酒，好似香港著名時裝設計師William鄧達智同Michelle盧覓雪都係識飲識食達人，佢哋尋日出席酒莊舉辦嘅發布會時，一碰頭便傾到雞啄唔斷。咁佢哋鍾唔鍾意品酒？William話：「只要好飲嘅都鍾意，特別係阿根廷同澳洲出品，自己都有收藏習慣，屋企有成一百幾十支珍藏。」Michelle就自嘲向來放任大吃大喝，遇上新酒推出就會想試吓。

鄧達智（右）同盧覓雪暢談飲食經。

對於早前確診患上乙結腸癌二期，William透露自手術後唔能夠好似以前咁飲酒嘞，又話：「自從病後開始飲少咗酒，以前一晚飲一支，依家只飲兩杯，因為腸胃同身體都話我知唔好，要減細容量。」佢仲透露，前晚可能因為睡眠不足，身體感到不適，連朋友嘅飯敍都出席唔到。

第一手消息請下載on.cc東網iPhone/iPad/Android/Windows Phone Apps