就事論事：呢份工好做

香港地，呢份工好做的，還有尊貴的立法會議員。怎個好做法？月薪逾八萬元，加薪要追通脹，薪高糧準——好做。月均十七萬元上下的辦事處開支津貼，雖然樣樣實報實銷，但辦公室運作、聘請助手算是不用自掏腰包——好做。還有酬酢、交通、紅白事開支津貼，每年十九萬一千餘元，不用實報實銷任篤數——好做。

對政府攞錢、做事要求有規有矩，有認為議員津貼可篤數不合理，要訂規矩，與公務員睇齊，議員不喜歡受束縛，就可以不要規矩。即使收取政治黑金，報與不報、披露不披露，不理有無規矩，可以不理規矩。可以給別人訂下規矩，又可以不給自己套上規矩，呢份工——好做。

政府高官行差踏錯，可以不依不饒要問責叫落台；議員開會缺席、睇艷照，小菜一碟。民生議題做了甚麼、議政效率如何全不用上心，更別說下台。既可以「炳」人，又不用自責，呢份工幾好做！

呢份工好做，納稅人知道，好多覬覦者都知道。莫以為長做長有，可以霸住份工不下台，須知納稅人可以反面，爭上位者可以取代，好自為之。