SUN焦點：港島租金狂飆 基層遷九龍新界
「港島以前有唔少公屋，單位租金亦算便宜，但近年住宅租金持續上升，舊區重建，令很多市民都搬到九龍，甚至新界居住，現時住得起港島嘅，大多數係中產。」香港餐務管理協會主席楊位醒表示，港島區住宅租金昂貴，「住喺新界嘅基層員工，為咗多啲時間照顧家庭，寧願賺少啲，唔想嚟港島食肆工作，呢個係港島區食肆缺人嘅原因之一。」
就業交津限制多
為鼓勵就業，勞工處在一一年推出鼓勵就業交通津貼計劃，計劃規定申請人每月入息限額及資產限額。從事住宿及膳食服務業獲發津貼的申請人數，由一二年的近九千人，上升至一三年的一萬一千多人。
惟飲食及酒店業職工總會幹事劉日成認為，跨區工作車程過長，該計劃最多提供一千元的津貼額，實難吸引基層員工跨區工作。「由於新界東、新界西飲食業嘅工作空缺有限，所以部分基層員工才跨區工作。」
