正當中共中央準備喺八月底掟出「香港政改框架」（十分大陸語）之時，一群自詡溫和中間派的港豬，卻在下沉中的特區內自瀆，話佢哋「聯署」呼籲香港各陣營應「停火和談」，及能改變佢哋阿爺嘅政改決定，甚至仲明言叫香港人縱使不滿「假普選」，都「袋住先」喎！

上述一眾粉皮，唔係賣港賊，就係白癡仔！現家吓，得番兩星期時間，仲想冀望中共政權「改變初衷」？聽你班港豬話？你當中央領導係Kai子，愛玩泥沙呀？早早經中央決定嘅嘢，點可以話變就變，咁無制度o架咩？

香港班左毒上腦嘅「溫和中間派全國人大代表」，無佢哋阿爺嘅指令，點敢會自把自為企出嚟扮白鼻哥？只有那些白癡無倫的「所謂學者」，以為真的仲可以有談判餘地，超級Naive反智。

今時今日的政改方案戰，早已塵埃落定，民主派的一切搞作，講真話，只係「苟延殘喘」的「垂死掙扎」而已！但世事往往卻話唔埋的，心存絕望的人，乜嘢希望都會變成無望，故此，橫死掂死，孤注一擲的人，多能製造奇迹的，歷史上屢見不鮮。成敗，就睇個人修為嘞！扮懵裝睡，或弱智低B的，自取滅亡，與人無尤！

喺生死存亡只能活一個的關鍵時刻，仲畀人老點遊花園袋住先？點解唔反過來問：為何不選住先呢？（有無人識答？）

人家玩「招安」、「收編」、「統戰」。尋日，民主黨班低能仔仲高調咁約見「中方代理人」？仲有嘢傾咩？最後是否又想扮到好「溫和理性」的含淚叫大家齊齊袋住先呢？吓！

中國人一向好客，愛請遠親來家中「小住一會」，呢種「小住先」就真係好啱嗰啲叫港人「袋住先」嘅溫和中間派用嘞！你哋開門畀我「小住先」啦！得唔得？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps