SUN搞作：潮女敢言：請個靚仔反佔中
在微博上瘋傳一輯照片，內地一名消防員勇救一隻被困的小貓時，被女記者攝下英姿。女記者一心想着讓網友認養小貓把照片放上網，誰知意外地引起網友瘋傳，原因是相中那位90後的年輕消防員實在太俊俏。電視台立即對其起底，又有朱古力腹肌又人魚線真的好吸引，但當旁白說到原來該靚仔消防員身份竟是共產黨員，實在十分Turn Off，真是好眉好貌……
香港也有很多黨員，但多數蛇頭鼠眼，或是肥頭耷耳的模樣讓人十分抗拒。其實薑蓉亦好應該招攬這類高質大隻靚仔，起碼個品牌形象都好睇啲，現在讓人感覺只有盲毛才會簽名反佔中。記得中環時裝店開幕都識用這招，引來市民關注。請多幾個靚仔，港女自動送上門簽名，唔使送米送豆豉鯪魚，到時維穩費慳埋慳埋賺唔少啦！
素顏天使（周一至周五見刊）
香港知名博客 (plainfaceangel.blogspot.com)，點擊率超過一千萬。正宗港女，土生土長，覺得港聞版好睇過電視劇。
