城中鏡：伍燕儀回巢重組夢幻拍檔

Angel同Weber分別喺九八同○○年前後腳入花旗香港，Angel開始時做客戶市務部主管，Weber就做Citigold財富管理部門主管，但之後Angel過檔P&G同中電，Weber就坐白金升降機一直升上行長個位。

Angel喺花旗香港時管理過唔少業務，包括大來信用證、存款同研究、財富管理同信用卡等，花旗銀行環球個人銀行服務香港區總經理林鈺華都話，Angel喺零售銀行嘅功績可以幫佢哋滿足客戶需求。

記者同賓卡朋友傾開偈，賓卡話P&G旗下產品係世界最受人歡迎公司之一，管理層好知道大眾市場要點呵護，所以轉做零售銀行都好有優勢，舊組合再拍檔效果應該值得期待。