我是誰？我是老香港。你問我，支持新中國嗎？我說不出囗，尤其想起當年，好一個大地主家庭頃刻支離破碎，我舉目無親小小年紀偷渡來港，只為一口吃的，張開眼還是活的，你說支持，支持從何說起？

你問我，懷念英治嗎？我不懷念，但總比現在好。點解？心中有氣呀！恨鐵不成鋼呀！一個兩個三個四個，個個呢度食呢度屙，管權嘅濫權，管地嘅囤地，管人嘅貪色，有冇咁低B呀？成班廢物唔識自己掉轉吓角色，你貪我嘅我貪你嘅，大家側側膊咪過關囉，係要貪就手現眼報。唉！我就唔信英國佬有幾清廉，但係人哋做好做衰都高明你九萬幾倍，你班香港膠官，收檔啦。

你問我，咁多意見，你揸弗吖！挑！所以話我係老香港你唔係囉！香港，不嬲都係講叻過做嘅城市啦！英治有玫瑰園，回歸有十大產業，講來講去，你生活好咗未呀？都費Q事同你嘥口水……

第一手消息請下載on.cc東網iPhone/iPad/Android/Windows Phone Apps