「伊波拉！伊波拉！」嘩！淫賤黎今日好似影帝春生哥上身咁，唸唸有詞咁嗌伊波拉，又捲起份《爛果》左劈右劈，成個壹全霉即時爆發伊波拉恐慌。一片V嘩鬼叫聲中，有人建議用石頭掟死佢，又有人話用《爛果》燒死佢，平時舐晒鞋底嗰班膠人，唔開名喇，仲唔知喺邊度搵支槍出嚟，話要立馬射殺淫賤黎，氣氛仲緊張過AV女王成名作第37分22秒，勁呀！

就喺大家準備郁手之際，淫賤黎忽吓忽吓又正常番，仲話要即刻召開緊急會議，乜料呀？

「咁多位，壹全霉宗旨係乜？誨淫誨盜作古仔偷新聞呀！呢啲咁神聖嘅任務，唔係搵把口講就得o架！你哋要好似伊波拉病毒咁，將壹全霉宣淫販賤嘅基因傳播開去先得o架！」就喺呢刻，狗到無倫嗰班擦鞋仔又返晒嚟，爭住舉手問應該點做，淫賤黎即時有教無類咁話：「伊波拉可以靠接觸屍體傳播，《爛果》日日都賣唔出，我哋就當佢屍體咁派畀市民，橫豎我哋有爽死嘅經驗，呢鋪掂呀！」

第一手消息請下載on.cc東網iPhone/iPad/Android/Windows Phone Apps