美籍華裔名廚Martin甄文達以主持人身份現身懷舊美酒佳餚活動，搞手之一嘅佢話好支持「民以食為天」，又話：「食係一個好好嘅社交活動，加上香港嘅飲食節目喺八十年代初已經開始有，自己由始至終都好有Passion去煮嘢食，所以識食係有好多好處o架。」至於晚宴佳餚方面，Martin透露跟今次場地俱樂部大師共同努力嘅成果：「每一個菜式都好正，正宗美酒配美食，香港人壓力大，我哋特登加上音樂令大家可以放鬆啲，製造與眾同樂嘅一晚。」佢話晚宴菜式上嘅所有原材料同名酒都係嚟自世界各地，全部都係最好嘅食材，重要係呢個係老友聚會，個個都識飲識食o架！

甄文達表示，食係一個好好嘅社交活動。

資深葡萄酒顧問Damon袁大文亦係主持人，佢話活動原意係藉着Martin回港而發起，佢話：「我見師傅離開香港咁耐，難得返嚟，又知佢鍾意美食配葡萄酒，所以就決心搞啦！」

第一手消息請下載on.cc東網iPhone/iPad/Android/Windows Phone Apps