學民思潮召集人黃之鋒同發言人周庭喺上次中學文憑試放榜時,已經要搞記招交代成績。大學聯招(JUPAS)尋日放榜,佢哋就分別喺自己同學民思潮嘅社交網站上公布去向。

黃之鋒話有JUPAS嘅大學收,但因為仲等緊文憑試上訴結果,所以暫時唔公布邊間大學嘅學系收咗佢,多謝各位關心咁話喎。上訴結果下星期二就會公布,最快隔多三日就會知道佢「花落誰家」。

周庭就獲浸會大學社會科學院取錄,佢接受查詢時話呢個係第二志願,第一志願係中文大學英文系,兩樣佢都想讀,所以排中大第一博吓,第二就穩穩陣陣揀浸大。佢又透露,有學民思潮女義工文憑試成績唔錯,最終入咗浸大傳理系添!

第一手消息請下載on.cc東網iPhone/iPad/Android/Windows Phone Apps