話說仁濟醫院前主席Edwin鄭承隆早前跣親扭傷隻左腳，出入都要用拐杖借力，原來到依家仲未好番。前日Edwin喺社交網站上載兩張相，其中一張見佢睩大對眼，表情好驚青咁望住隻左手，仲留言話：「腳痛咩事要針隻手先？」細心一看，佢左手拇指兩側各插住一支針。

Edwin喺社交網站上載兩張相，其中一張見佢睩大對眼，表情好驚青咁望住隻左手。（互聯網圖片）

另外一張相係左腳小腿側燒緊艾草及照燈。（互聯網圖片）

另外一張相係左腳小腿側燒緊艾草及照燈，原來佢搵仁濟中醫痛症中心嘅醫師醫治左腳舊患。因乜事隻腳搞咁耐都醫唔好呢？原來佢近日為咗幫深井街坊解決街邊狗隻糞便惡臭問題，只係行咗十五分鐘就頂唔住嘞，咪要中醫急救囉！

第一手消息請下載on.cc東網iPhone/iPad/Android/Windows Phone Apps