前線：出事就搵我哋頂罪

受害人：只望獲公平對待

自稱「一群極度憤怒的落馬洲海關人員」向本報指，就管制站車牌自動識別系統出錯導致「18」號車牌多次被查一事，前線已多次向上層反映，指系統有問題，但無人理會，直到今年六月車主向高層投訴，才獲指示毋須再搜查「18」號車牌，原因是車主是政協，不能「得失」，並要前線人員交報告及接受調查，惹內部不滿：「之前收投訴就當耳邊風，冇嚴肅處理，依家出咗事，就搵我哋嚟頂罪。」

事件受害人張程光坦言：「我從來無要求海關唔查我架車，亦唔希望因為政協身份而有特權，只希望獲得公平對待，如果你對我架車有懷疑，咪查囉，但唔使次次查吓話！」他續謂：「我返咗大陸做嘢廿八年，只查過三次車，但我一用『18』號車牌，唔夠四個月，就畀人查咗十幾次……」令他認為今次事件責任應在中層及負責處理投訴的部門身上，希望海關檢討今次事件。

海關發言人回應指，對於有指海關督導級人員下令毋須向某一指定車輛進行檢查，純屬誤解，並不存在有跨境車輛可豁免海關清關程序或檢查。發言人強調，海關一向秉承公平執法，不偏不倚的原則處事，不會因車主身份而豁免清關程序或檢查，並會因應走私犯罪手法及趨勢，不時檢討執法策略，以及改良或更新運作系統，並加强對前線人員的訓練及溝通，嚴謹執法。