本報日前踢爆由發展局統領嘅城市規劃委員會就何文田一幅休憩用地擬改劃嘅申請搞公眾諮詢，居然涉嫌造假，意見出現「水分」，但城規會職員仲話「好多人都係咁做」而不作跟進，簡直離晒大譜。跟住又畀人揭發地政總署助理署長林嘉芬涉嫌違規買地，「波波」陳茂波作為佢哋嘅頂頭上司絕對難辭其咎。波波本身都掀起過好大風波，又「劏房波」、又「囤地波」，可見上樑不正下樑歪，真係唔兜巴星佢都唔得呀！麻煩波波咪再做「漏氣波」，嗱嗱聲撥亂反正啦。
