多次因申請加價而同政府有「牙齒印」嘅東區海底隧道營辦商，定實喺後年將隧道交還政府管理，政府講明喺接管呢條有二十多年歷史嘅海底隧道前，會着手進行「大檢」，防爆隱疾，運輸及房屋局局長張炳良呢次都算係諗得幾周詳。睇番東隧過往賺咁多錢但年年想瘋狂加價，希望政府收番東隧之後，張炳唔好郁啲又嗌加價，一來可以紓緩吓紅隧嘅擠塞問題，二來減輕市民嘅交通費負擔喇！
