今年甲午，本命屬火，必有熱災，又畀一眾玄學大師噏中：地球多劫！

中東炮戰，中華（台灣與大陸）氣爆，都燄火沖天，看似天意難違，還是定數難逃？

火光熊熊的景象，表徵明顯，全人類看到，但瘟病災劫，殺人於無形，非凡人得知。

西非勁爆的伊波拉病毒，實為「熱症」之一，咁啱又喺依家蔓延，能說巧合嗎？

任何「風土病」，當地總有特產「藥物」治療的，這是地球奧妙之處，也算是造物者悉心的安排，例如西藏山高氧氣少，那處便有「紅景天」專門特效藥；南洋暑熱，便有解渴「椰子」；雲貴陰寒，就盛產「辣椒」救命……人類存活數十億年不絕，總有原因的！

天災，是無情？但仍有上天眷戀！

人禍，則自取滅亡，神仙也難打救！雲南地震，雖說源於地震帶，但不少地質專家異口同聲，說中國境內近年地震頻密，乃因那三峽大壩儲水影響所致，它不單止破壞中華大地地質安危，更蹂躪河山古蹟、踐踏歷史民風，最終，背後又係「利欲熏心」之劣行，不顧國家社稷興亡，此等禍國賤種，今世無畀人「打老虎」，將來一定永世落地獄。

看新聞片，每次中國災情嚴重時，就見有國家領導人帶住成村攝製隊人馬，浩浩蕩蕩徒步到災區，親自指揮「救拯工作」，鏡頭所見，總是大批救護人員停晒手腳，放下工作，立正聽官大人訓話：「你哋要喺呢七十二黃金小時內盡快救人……嗱！啲水可能污染咗、食物唔夠，但我哋國家係一致支持你哋嘅……」一講兩粒鐘，廢話。

不要天災，先滅人禍！RIP。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps