SUN搞作：SUN官場現形記：最小傷害
政府要求各部門削減開支1%，有公務員不滿鬍鬚曾，話緊縮開支咁重要嘅事，竟冇問公務員意見，公務員就搵鬍鬚曾「講數」。
公務員：削減開支咁重要都唔諮詢吓我哋？
鬍鬚曾：都係減1%，又唔係好多，應該唔使問嘅……
公務員：問咗至少都叫諮詢過呀，依家係零溝通喎！
鬍鬚曾：唔係，我有寫網誌講o架，預你哋會睇添。
公務員：唔肯傾打網誌齋噏，你咪淨係識做鍵盤戰士囉！
鬍鬚曾：我咁做其實為你哋好……
公務員：好？有咩好？唔諮詢實行就係好？
鬍鬚曾：如果諮詢咗，結果可能唔同，隨時唔止1%咁少，可能要減5%、8%、10%都未定，所以話，依家減1%已經係最小傷害……
