城中鏡：慧妍雅集天水圍送暖

長者好需要社會關懷，好似前港姐陳法蓉、王愛倫、周美欣同岑杏賢等日前出席慧妍雅集嘅慈善活動，去到天水圍探訪七十位六十歲以上嘅長者，向長者送暖。佢哋全部穿上粉紅色嘅會衫，同長者玩遊戲兼大送禮物，而身兼歌手嘅周美欣仲即場為長者們獻唱《月亮代表我的心》同《上海灘》，令一眾長者笑口常開。應屆會長陳法蓉話慧妍雅集今年主題係「扶貧」：「希望透過探訪天水圍長者中心，更了解呢區老人家同獨居老人嘅需要，帶來更多關懷同愛心。」