大搜查：原料多雜質或含殘餘農藥
【本報訊】自製化妝品的過程，表面上看似簡單有趣，但是箇中的學問其實相當複雜。香港化妝品技術資源中心業務拓展經理─梁國斌指出，市民在家中製作化妝品，使用原材料時，要求會較工廠更高，「化妝品生產原料唔可以直接用落皮膚，一定要經過加工，但因為一般家居都唔會好似工廠咁，有專門抽原料雜質嘅機器，所以如果原料質素差，就會造成好多害處！」
梁國斌指市民在家自製化妝品時，必須選用有品質保證的原材料，否則容易致敏。
梁國斌以製作唇膏的常用原材料作為例子，解釋自製化妝品的相關風險，「雲母粉本身係礦物，可能含有重金屬；而來歷不明嘅橄欖油亦有機會有殘餘農藥，蜂蠟如果唔靚嘅話，就會有雜質！仲有，整化妝品時會用到防腐劑同埋乳化劑，呢啲都係高風險嘅原材料，如果分量控制得唔好，就好容易敏感！」梁建議市民到具商譽的店舖購買原材料，並且向賣家索取分析證書，以確保能得悉材料的來源及成分。
