政壇：葉劉赴英遲咗半日起飛
依家立法會放緊暑假，多位議員都趁機離港外遊充電或探吓親友，不過前赴英國會合囡囡Cynthia葉榮欣嘅新民黨主席葉劉淑儀，上周末喺香港起飛時，航班就因天氣而嚴重延誤，認真當黑。葉劉喺社交網站話，飛赴倫敦嘅航班因起飛前一晚遇到雷雨，被迫喺機場等了又等，佢最後決定先返屋企瞓覺，翌日再到機場，終於喺本月二日晏晝先飛抵英國，同日晚上七時先到倫敦，前後足足延誤咗十一個鐘。
葉劉淑儀會合囡囡Cynthia遊倫敦。（互聯網圖片）
葉劉又話，自己原定會早過囡囡十小時抵達倫敦，可以先去酒店休息吓，但因航班延誤關係，喺克羅地亞出發嘅Cynthia，反而早佢四小時抵達，等人變被等。
