誰明老師心：標籤降
「『搣匙』，你話我repeat好唔好？」有志修讀歷史的皓仔DSE考得不俗，歷史更有「5*」，可惜中英文僅符合入讀大學要求，與中文大學無緣，只能考慮其他院校的歷史系。皓仔渴望考入中大，最重要的原因是中大的名字夠「威」，所以想repeat爭取中英文更高分數入中大。聽到我「火都嚟」，決定以子之矛，攻子之盾。
「有心讀歷史嘅，邊度讀都一樣啦！中大有幾威？如果你想威係為咗第時有『光明前途』嘅話，依家喺香港讀歷史根本死路一條，以前就話去教書啫，依家歷史科愈來愈萎縮，教席又唔夠位，入唔入到行都成問題啦。搵其他工，出面大把人勁過中大歷史，你都未必夠人爭，到時如果搵到份工可能身邊嘅同事連大學都冇讀過，又高級過你，你仲覺唔覺得『中大』個名威？」
我不怪皓仔，他只是個中了「標籤降」的人，不可能旨意他完全脫離畸形教育制度下着重標籤的遊戲規則。不過，我不想他repeat是因為怕他考不到原來的成績，而與大學門檻擦身而過，這種想法，其實心底也認為不讀大學不好。我會不會也中了「標籤降」？
