誰人會僱用童工「跑手」？一名有僱用童工「跑手」的網店負責人阿偉（化名）向記者坦言，惟網店賺錢少，由於運貨及交收工作簡單，故不願以高價聘請速遞公司，遂向初中生招手。

阿偉（右）承認其網店聘請三名中學生「跑手」，但找不到跑手時便要自己親身上陣。

有僱主出貼招聘「跑手」，薪金僅七元。（互聯網圖片）

以阿偉的網店為例，他指「跑手」每天穿梭不同港鐵站，與客人交收。「『跑手』收二十蚊，每個客人會再畀五蚊貼士『跑手』。講真，呢啲價錢邊有人肯做，係得初中生『未夠秤』，做唔到其他兼職至肯做，當佢夠十五歲都去打份正常工啦，使乜為咗十幾蚊跑嚟跑去。」

他表示，曾經有十多名學生替他做「跑手」，但是不少學生嫌貨物太重及工資低，紛紛「走佬唔做」，現時只有三名初中生做「跑手」。記者日前跟隨阿偉去到一個港鐵站交收，因找不到「跑手」，所以要親自送貨，他推着的購物車載有三大件貨物，「我啲貨好重，所以要車仔先搬得郁。」

被問若「跑手」因貨物太重而發生工傷時，會否獲得賠償，阿偉這樣說：「無得賠，『跑手』要覺得自己頂得住，先至嚟做。」

第一手消息請下載on.cc東網iPhone/iPad/Android/Windows Phone Apps