市民生活離不開一個錢字,各個政府部門運作亦在在需財,點知呢個財爺鬍鬚曾一聲閂水喉,各部門即刻捱刀,我李衞雖然贊成應使則使,但攬住七千億儲備都話要削支,講唔通啫……

李衞:鬍鬚仔,無端端閂水喉,畀個理由先!

鬍鬚曾:無,邊有閂水喉啫!政府用錢無少到,唔信遲啲畀盤數你查!

李衞:唔好講呢啲喇,你將九萬幾項工程超支計埋入去都吹你唔脹,財技嘅嘢,心照啦!

鬍鬚曾:李衞兄果然有見地,得閒過多兩招畀小弟吖……

李衞:唔好小來小去,到底點解要削支先?

鬍鬚曾:無o架,做財爺嘅,梗係要時不時搞啲小動作,提升吓存在感啦!

李衞:吓,為咗提升存在感就搵部門開刀?咁我都要揼你一身提升吓!

鬍鬚曾:嘩!唔好呀……

第一手消息請下載on.cc東網iPhone/iPad/Android/Windows Phone Apps