名模Janet馬詩慧與大女Kayla王曼喜同兒子王躍穎尋日現身赤柱出席慈善活動,Kayla上月二十二歲生日,佢透露正日同朋友食飯慶祝,問到有否收到難忘禮物?

馬詩慧(右)與大女王曼喜同兒子王躍穎尋日一齊出席慈善活動。

佢話去咗迪士尼暢遊一天,媽咪就送咗銀包做禮物,而弟弟躍穎就下載咗有意思嘅句子送畀佢。

當講起王躍穎都好識氹女仔時,Janet即踢爆兒子多女性朋友,佢話:「未有一個承認係女朋友,了解中。」問到爸爸王敏德有冇過兩招畀佢?王躍穎笑說:「佢話會但未教!」而在旁嘅Kayla笑指弟弟太心急,教唔聽。

另外,提到慈善,Janet自言出力多。咁有冇親自做義工探訪?佢自言好眼淺,唔適合去探訪,派兒女代表佢去。Kayla透露正計劃到山區探訪之旅,問到係咪唔選擇去西非伊波拉病毒高風險嘅地方時,佢坦言以健康為先,唔想家人擔心。

第一手消息請下載on.cc東網iPhone/iPad/Android/Windows Phone Apps