社民連外務副主席Avery吳文遠最近家中喜事接踵而來,佢喺社交網站透露兩個弟弟喺一個月內,分別喺香港同英國結婚,身為大哥嘅佢自然要「兩肋插刀」,要兩地飛做伴郎同兄弟。

吳文遠帶同女友周澄去英國出席弟弟嘅婚禮。

Avery話兩名弟弟分別喺美國哈佛大學同埋英國牛津大學畢業,其中最細嘅弟弟就喺英國牛津結婚,佢就同女友周澄一齊過去觀禮,即時引起好多網民關注,有人仲講笑叫佢哋順便閃婚,Avery話佢哋關係穩定,冇乜結婚壓力,加上女友將會去英國讀書,一切等對方讀完書先算喎!

第一手消息請下載on.cc東網iPhone/iPad/Android/Windows Phone Apps