SUN搞作：網絡小說：來自哪星的你
星爺緩緩睜開雙眼，滿目盡是藍色人形生物，「唔通我去咗第二個星球？」一陣灼熱感覺傳至，原來星爺快淪為外星人的桌上佳餚，「我嚟自地球，大家都係高智慧生物，放過我啦！」
「地球？即係哪星呀？」外星人懶理星爺哀求，「無用嘅就要食！」星爺急道︰「我最叻主持會議，自問都有六十至八十分！」外星人一聽，面容扭曲，「咁低分？我哋一萬分為滿分，你就連一百分都無！睇嚟都係無咩用。」星爺心知伏已中，「我唔係無用，最叻硬起來！」「硬起來？睇你個樣，邊度識硬？」外星人由上而下審視星爺。「夾硬通過撥款，無人可擋！」星爺大言。
「咁即係唔文明啦！」星爺懶理外星人鄙視目光，「食得鹹魚抵得渴，我無怨無悔！」
外星人見星爺谷起泡鰓，「面皮咁厚，應該好難食，都係丟佢返哪星算！」
