唱歌除咗可以減壓，仲係唔少人嘅興趣同夢想。近日有飲食集團老闆搞咗個歌唱比賽，幫助年輕人追夢，更號召一班愛唱歌嘅企業家好友，一齊參與「與CEO對唱」環節，希望年輕人透過音樂交流，學到做人處事嘅道理。作為購物天堂，香港點可以無具有代表性嘅本地品牌！近年積極培育本地新星品牌工作嘅香港品牌發展局，為慶祝明年成立十周年，日前便舉行十周年啟動禮，邀請多家曾獲獎公司嘅代表出席活動，齊分享建立品牌嘅心得同經歷。

歌唱比賽
官場歌王
有「政務官歌王」之稱嘅前民政事務局常任秘書長楊立門，花恤衫襯白褲，一身情歌王子打扮，大演歌喉。

互較高下
中電企業發展總裁莊偉茵（右）係唱得之人，佢同莊士集團太子爺莊家豐齊參加對唱比賽。

歌聲傳情
華彩集團主席史立德用雄厚嘅聲線唱出情歌，憑歌寄意，太太史顏景蓮冧晒。

兒歌氹仔
大家樂主席陳裕光嘅愛女陳浩寧（右）與丈夫趙益坤，在家經常唱兒歌氹寶貝仔開心。

開懷旁觀
百利建集團董事總經理陳正欣與太太陳慕婷唔唱歌，做「啦啦隊」欣賞表演一樣咁開心。

品牌局10周年啟動禮
主持
香港品牌發展局主席陳淑玲（中）與多位成員主持啟動禮。

心得
曾經得獎嘅瞳理心集團，其主席鍾易民（左）與移民顧問關景鴻不約而同佩戴半框眼鏡，話可以掩飾眼部缺點。

放假
中華廠商聯合會行政總裁黃靜文（左），同香港菁英會副主席盧金榮都會喺今個月去旅行輕鬆吓。

第一手消息請下載on.cc東網iPhone/iPad/Android/Windows Phone Apps