「我可以話畀你聽，我唔理有幾多個國家有公民提名，我淨知我國奉行嘅係有強國特色社會主義，只有共產黨、工人階級、農民階級、城市小資產階級同民族資產階級，所以係無公民嘅！」元秋一句豪言，嚇得論壇講者目瞪口呆。

「不過……」一講者欲反駁，「你都係透過公民提名入閘選議員。」元秋一聽，激動謂︰「香港係特區，有啲唔同……仲有我係香港永久性居民選出嚟，我唔係淨得公民選出嚟！」又一次語出驚人，全場鴉雀無聲，一向欠缺口才的元秋自忖，「今次我細分居民、公民，以理服人，震懾全場，邊個仲敢話我暈？」

正當元秋暗自高興之際，講者又開口︰「錯！」難得威風，卻被狠批，元秋氣難平，「你講咩？」講者續道︰「按照你嘅邏輯，你並唔係香港永久性居民或者公民提名入閘同選出嚟，你應該係由香港選民選出嚟至真！」

元秋最後只好使出最強絕招－獅吼功，「你呢個唔夠秤嘅小朋友……」

第一手消息請下載on.cc東網iPhone/iPad/Android/Windows Phone Apps