為防有人亂闖郊野公園和水塘禁區，該地方均設閘欄並且上鎖，點知原來部分消防局竟無閘匙開鎖，結果早前有人在西貢萬宜水庫東壩墮壩，消防需要剪鎖硬闖救人，但有人質疑花多五分鐘剪鎖，令傷者延遲醫治，最終送院七日後不治。李衞知道咗就嬲爆爆搵消防處處長軒軒問話。

李衞：冇匙點救人呀？

軒軒：係緊急情況下，我哋係可以剪鎖開閘救人嘅。

李衞：但咁樣剪一剪，就冇咗五分鐘，傷者又遲五分鐘醫治！

軒軒：冇辦法啦，呢個已經係最快嘅做法。

李衞：咁點解你哋唔配番啲匙呢？剪鎖又麻煩，又嘥時間！

軒軒：呢樣……我控制唔到……

李衞：吓，要條匙都咁難？咁有咩係控制到？

軒軒：準時收工咪控制到囉！唔好意思，我夠鐘走人，唔能夠再回答你嘅問題！

第一手消息請下載on.cc東網iPhone/iPad/Android/Windows Phone Apps