SUN搞作：潮女敢言：伊波拉與埃博拉

香港要加速大陸化，梁政府的首要任務其中一項就是從文字文化入手。中小學加推普教中，中產父母以為執到寶，上堂講幾句普通話就叫與大陸接軌，細路大個可以吃強國大茶飯。要講普通話流利，何時輪到你們這些港燦？結果兩頭唔到岸，中文唔好英文又唔好，才有甚麼「一次性交租一年」的強國式中文出現在香港電視屏幕。

伊波拉病毒再度肆虐非洲，擴散速度驚人，亦已造成超過五百人死亡。香港衞生署不敢怠慢，立即在其網站公告……咦喂？咪住先！咩「埃博拉」，Ebola無論點讀都係「伊波拉」，甚麼時候開始要跟大陸用普通話譯名叫「埃博拉」？？？網民立即有反應，於是衞生署又改公告以息民憤……「衞生署密切監察海外爆發埃博拉（伊波拉）病毒病」，那個括號實在多鬼餘，要括都應該括英文，官方機構滲水一般使用強國中文，理由只得一個，就是如伊波拉病毒般殲滅香港文化。