SUN搞作:SUN官場現形記:點止60分
星爺自評掌管立法會財委會主席一職,佢就畀自己有六十分至八十分,但有市民知道咗,就立即去搵星爺傾偈,一齊睇吓發生乜事……
市民:聽講你畀自己有成60分喎!
星爺:係呀,我覺得自己做得唔錯,不過不失啦!
市民:咁謙虛呀?你冇擔心過粗暴通過新界東北撥款件事會影響分數咩?
星爺:冇、冇,都話咗係自評咯,同埋唔使一次定生死嘅,睇番我平時嘅表現都唔差吖!
市民:哦……咁我畀你100分!
星爺:咁欣賞我?真係多謝晒你嘅支持呀!
市民:呢100分係畀你厚面皮、做主席做得差又唔當一回事嘅!
星爺:&^%*#@#*#!!!!有冇搞錯!