港鐵喺過去九日八次故障，當中包括訊號系統、零件同電纜等失靈或損壞，令乘客逼爆月台、怨聲載道。港鐵連年賺大錢連年加價變成常態，依家竟然連故障都變成常態。港鐵車務總監金澤培尋日出嚟解畫，諉過於訊號系統老化致出事，仲話每宗事故都冇關連，會喺二○二○年完成更換系統，換言之，喺呢段時間內，乘客有排難受，再加上港鐵啲工程成日延誤，如期完成更換訊號系統呢個承諾搵鬼信啦！
