城中鏡：布魯尼演活人間最美珠寶
法國前第一夫人布魯尼（Carla Bruni-Sarkozy）早前為一個國際珠寶品牌喺羅馬拍攝新廣告，佢喺名攝影師嘅鏡頭之下擔任多種「角色」，喺鏡頭內外恣意發揮創意，佢被形容為性感而神秘，因才華橫溢而過着多種人生；而佢擁有多層面嘅女性氣質，通過珠寶而展現最原始嘅自我，除咗代表當今時代嘅女性外，仲可以話佢係活生生嘅珠寶：優雅、華美、風趣，而且舉世無雙。佢因為力量同摯誠而成為國際偶像，佢對人生嘅探索好有味道，既深刻又瀟灑。
法國前第一夫人布魯尼被形容為性感而神秘。
該國際珠寶品牌指布魯尼日常生活中有各種世界、各種文化嘅交集，而佢對藝術鑑賞甚具品味，常能吸取新意重新創作。佢係全球知名嘅超級模特兒、作詞家兼作曲家，甚至兼為歌手，表達多種音樂情感，亦係當今嘅國際偶像。
呢位法國前第一夫人雙眸湛藍有如地中海，直視住攝影師嘅鏡頭時，就佢而言，珠寶係「感思所聚之精粹，其內始終藏有故事」。
