黑金禍港惹民怨 政淫勾結有報應
「一登龍門聲價十倍」就聽得多，「一食狗餅賤格百倍」你哋又聽過未？嗱，人稱「民主阿婆」嘅前政務司司長陳方安生收壹淫媒主席黎智英錢，周圍幫佢乞廣告，由香港乞到英國，由於表現賣力，「狗餅」亦由五十萬激增五倍去到三百萬，陳四萬變陳百萬，遲啲玩吓手升級為陳千萬、陳億萬添，呢啲咪叫做「一食狗餅賤格百倍」囉。
天下無免費嘅午餐，淫賤黎大灑甘露，過去兩年向泛民政客同個人泵水逾四千萬元，梗係唔會為咗「扶貧」做慈善啦。好似民主阿婆咁吖，收到淫賤黎三百萬，繼今年一月接受英國報章專訪，投訴有英資銀行受北京政治壓力拒向爛果報落廣告後，早前又夥同被稱為「李漢奸」嘅李柱銘，喺英國國會聽證會上唔點名為爛果報被抽廣告，向洋人哭訴。淫賤黎出錢，民主阿婆出力，唔係利益交易又係咩呀。
即係咁，淫賤黎出名算死草，如果冇利可圖，又點會出幾百萬請個廣告 Sales吖？唔好唔記得民主阿婆係前香江第二號人物，今日港府高層遍布佢嘅門生故舊，佢有冇利用其剩餘影響力，不言自明。聽吓市民點睇，「東方報業民意調查」顯示，三成四受訪者認為民主阿婆可能以本身影響力干預政府運作；兩成七就指有延後利益之嫌。
當然喇，喺民主阿婆瞓身搏老命為淫賤黎服務嘅同時，唔少泛民政客亦係做到踢晒腳。早前立法會討論壹淫媒所謂被抽廣告嘅事，多位泛民議員以維護新聞自由為幌子，實際上為宣淫販賤鳴鑼開道。最離譜嘅係，呢班政客收咗肥佬黎錢，但係從來冇申報利益，擺到明有蠱惑。講到呢度，終於明白點解壹淫媒觸犯《淫褻及不雅物品管制條例》而被定罪嘅個案逾百宗，但次次都不了了之，朝中有人好辦事，梗係無往而不利啦。
話時話，淫賤黎勾結政客禍港，可能只係黑金醜聞最表面嗰層咋。睇吓黑金操盤手、淫賤黎嘅親信Mark Simon，佢曾經効力美國海軍情報部門，背景一啲都唔簡單，話成單嘢冇外部勢力插手喎，搵鬼信咩。群眾眼睛雪亮，上述民調顯示，三成受訪者直指淫賤黎背後疑涉外國勢力，亦有近三成直斥佢涉反中亂港。
不過咁，如果淫賤黎以為咁就可以隻手遮天，為所欲為，就大錯特錯喇！醜聞曝光後，市民紛紛要求廉署、警方、立法會同稅務局徹查事件，證明世上仲有一樣嘢叫「公理」。善有善報，惡有惡報，時候一到，統統都報，淫媒政客多行不義，遲早有報應o架咋，叮！
